Nara Lokesh: ఈ వారంలో కుటుంబ సమేతంగా ఆర్ఆర్ఆర్ సినిమా చూస్తా: నారా లోకేశ్

భారీ మల్టీస్టారర్ గా తెరకెక్కిన ఆర్ఆర్ఆర్ చిత్రం నేడు ప్రేక్షకుల ముందుకు వచ్చింది. రాజమౌళి దర్శకత్వ ప్రతిభ పతాకస్థాయిలో ఆవిష్కృతం కాగా, రామ్ చరణ్, జూనియర్ ఎన్టీఆర్ పోటాపోటీగా నటనా పటిమ ప్రదర్శించారంటూ రివ్యూలు చెబుతున్నాయి. ఈ నేపథ్యంలో ఆర్ఆర్ఆర్ చిత్రంపై టీడీపీ జాతీయ ప్రధాన కార్యదర్శి నారా లోకేశ్ స్పందించారు. 

"నేడు విడుదలైన ఆర్ఆర్ఆర్ కు తిరుగులేని రివ్యూలు వస్తున్నట్టు తెలిసింది. ఈ చిత్రం ద్వారా ప్రేక్షకులకు గొప్ప అనుభూతిని అందిస్తున్న తారక్, రామ్ చరణ్, మ్యాస్ట్రో రాజమౌళిని, యావత్ చిత్రబృందాన్ని అభినందిస్తున్నాను. ఈ వారంలో ఆర్ఆర్ఆర్ సినిమాను కుటుంబంతో కలిసి తప్పకుండా చూస్తాను. ఈ సినిమా రికార్డులను బద్దలు కొట్టాలని కోరుకుంటున్నాను. ఆల్ ది బెస్ట్ గైస్!" అంటూ లోకేశ్ ట్వీట్ చేశారు.