KTR: 2001లో మిత్రుడితో కలిసి లండన్ వీధుల్లో కేటీఆర్... ఫొటోలు ఇవిగో!

తెలంగాణ ఐటీ, పురపాలక శాఖ మంత్రి కేటీఆర్ అటు మంత్రిత్వ విధులతో ఎంత బిజీగా ఉన్నప్పటికీ సోషల్ మీడియా కార్యకలాపాలకు తగిన సమయం కేటాయిస్తారు. అత్యధికంగా ఆపన్నుల సమస్యలు వినేందుకు సోషల్ మీడియాను వేదికగా చేసుకునే కేటీఆర్... అప్పుడప్పుడు వ్యక్తిగత జీవితానికి సంబంధించిన ఫొటోలు పంచుకుంటూ అభిమానులను అలరిస్తుంటారు. తాజాగా 2001లో తాను లండన్ లో ఉన్నప్పటి జ్ఞాపకాలను పంచుకున్నారు. ఓ మిత్రుడితో కలిసి లండన్ వీధుల్లో విహరిస్తున్నప్పటి ఫొటోలను ట్వీట్ చేశారు. 'లండన్ వీధుల్లో హాయిగా షికారు' అంటూ పేర్కొన్నారు.