Nani: బుల్లితెర నుంచి హిట్ అందుకున్న 'టక్ జగదీష్'

నాని హీరోగా శివ నిర్వాణ 'టక్ జగదీష్' సినిమాను రూపొందించాడు. సాహు గారపాటి - హరీశ్ పెద్ది నిర్మించిన ఈ సినిమా, కొన్ని కారణాల వలన థియేటర్స్ కి కాకుండా అమెజాన్ ప్రైమ్ ద్వారా ప్రేక్షకులను పలకరించింది. ఫ్యామిలీ ఎమోషన్స్ ప్రధానంగా సాగిన ఈ సినిమా ఫరవాలేదనిపించుకుంది. ఇక రీసెంట్ గా ఈ సినిమా స్టార్ మాలో ప్రసారమైంది.

ఈ సినిమాకి 10.90 టీఆర్పీ రావడం విశేషం. బలమైన కథాకథనాలతో రూపొందించిన ఈ సినిమాను థియేటర్స్ లో దింపలేకపోయినందుకు నానీకి ఒక రకమైన అసంతృప్తి ఉండేది. ఇక ఓటీటీ ద్వారా వచ్చిన రెస్పాన్స్ కూడా ఆయనకి అంతగా సంతోషాన్ని ఇవ్వలేదు.

కానీ టీవీలో ఈ సినిమా ఈ స్థాయి రేటింగ్ ను నమోదు చేయడం, ఈ సినిమా టీమ్ కి ఆనందాన్ని కలిగిస్తున్న విషయం. ఒక రకంగా ఈ సినిమాకి బుల్లితెర నుంచి హిట్ లభించిందని వాళ్లంతా ఫుల్ ఖుషీ అవుతున్నారు. ఇప్పుడు తమ సినిమా ఫ్యామిలీ ఆడియన్స్ కి రీచ్ అయిందని భావించి హమ్మయ్య అనుకుంటున్నారు.