టీ20 వరల్డ్ కప్: సూపర్-12 బెర్తు కోసం పాపువా న్యూ గినియాతో బంగ్లాదేశ్ ఢీ

21-10-2021 Thu 15:48
  • టీ20 వరల్డ్ కప్ లో కొనసాగుతున్న తొలిదశ పోటీలు
  • ఈ మ్యాచ్ లో గెలిస్తే బంగ్లాదేశ్ ముందంజ
  • టాస్ గెలిచి బ్యాటింగ్ ఎంచుకున్న బంగ్లా
  • ఆరంభంలోనే ఓపెనర్ నయీం డకౌట్
Bangladesh fights against Papua New Guinea for next round
టీ20 వరల్డ్ కప్ లో తొలి రౌండు పోటీలు కొనసాగుతున్నాయి. నేడు బంగ్లాదేశ్ జట్టు పాపువా న్యూ గినియా జట్టుతో తలపడుతోంది. అల్ అమేరత్ మైదానం ఆతిథ్యమిస్తోన్న ఈ పోరులో టాస్ గెలిచిన బంగ్లాదేశ్ జట్టు బ్యాటింగ్ ఎంచుకుంది. ఈ మ్యాచ్ లో గెలిస్తే బంగ్లాదేశ్ జట్టు సూపర్-12 దశకు చేరుకుంటుంది.

కాగా, బ్యాటింగ్ ఆరంభించిన బంగ్లాదేశ్ కు ఆరంభంలోనే ఎదురుదెబ్బ తగిలింది. ఓపెనర్ మహ్మద్ నయీం డకౌట్ అయ్యాడు. పాపువా న్యూ గినియా బౌలర్ కబువా మొరియాకు ఈ వికెట్ దక్కింది. ప్రస్తుతం బంగ్లాదేశ్ స్కోరు 3 ఓవర్లలో 1 వికెట్ నష్టానికి 8 పరుగులు. క్రీజులో ఓపెనర్ లిటన్ దాస్, షకీబ్ అల్ హసన్ ఉన్నారు.