తెలుగు ప్రేక్షకులకు థ్యాంక్స్ చెప్పిన శివకార్తికేయన్!

తెలుగు మార్కెట్ పై పట్టు సాధించడానికి తమిళ హీరోలు ఎపుడూ పోటీపడుతూనే ఉంటారు. ఈ నేపథ్యంలో నేరుగా తెలుగు సినిమాలు చేయడానికి కూడా వాళ్లు సిద్ధమవుతున్నారు. ఆ జాబితాలో సూర్య .. కార్తి .. విశాల్ .. ధనుశ్ కనిపిస్తున్నారు. ఇక తాను కూడా తగ్గేది లేదన్నట్టుగా శివకార్తికేయన్ కూడా గట్టిపట్టుదలపైనే ఉన్నాడు.

శివకార్తికేయన్ ఇప్పుడు తెలుగు ప్రేక్షకులకు మరింత చేరువ కావడానికి ప్రయత్నిస్తున్నాడు. ఆ క్రమంలోనే ఆయన తన సొంత నిర్మాణంలో తమిళంలో చేసిన 'డాక్టర్' సినిమాను, 'వరుణ్ డాక్టర్' టైటిల్ తో ఈ నెల 9వ తేదీన తెలుగులోను విడుదల చేశాడు. యాక్షన్ థ్రిల్లర్ గా రూపొందిన ఈ సినిమాకి ఇక్కడ కూడా మంచి టాక్ వచ్చింది.

కథాకథనాల పరంగా మంచి ప్రయత్నంగా చెబుతున్నారు. అయితే టైటిల్ మైనస్ అయిందని అనుకున్నవారు లేకపోలేదు. ఏదేమైనా తన సినిమాను ఆదరించినందుకుగాను, సోషల్ మీడియా ద్వారా తెలుగు ప్రేక్షకులకు శివకార్తికేయన్ థ్యాంక్స్ చెప్పాడు.