టీ20 వరల్డ్ కప్: పాపువా న్యూగినియా స్కోరు 129-9

టీ20 వరల్డ్ కప్ ప్రారంభ మ్యాచ్ లో ఒమన్, పాపువా న్యూగినియా జట్లు తలపడుతున్నాయి. టాస్ ఓడి మొదట బ్యాటింగ్ చేసిన పాపువా న్యూగినియా జట్టు నిర్ణీత 20 ఓవర్లలో 9 వికెట్లకు 129 పరుగులు చేసింది. సున్నా పరుగులకే ఓపెనర్ల వికెట్లు చేజార్చుకున్న పాపువా జట్టును కెప్టెన్ అసద్ వాలా, చార్లెస్ అమిని ఆదుకున్నారు.

అసద్ వాలా 43 బంతుల్లో 4 ఫోర్లు, 3 సిక్సర్లతో 56 పరుగులు చేశాడు. అమిని 26 బంతుల్లో 37 పరుగులు సాధించాడు. సెసా బావు 13 పరుగులు చేశాడు. ఈ ముగ్గురు తప్ప పాపువా జట్టులో మరే బ్యాట్స్ మన్ రెండంకెల స్కోరు సాధించలేదు. ఒమన్ బౌలర్లలో కెప్టెన్ జీషన్ మక్సూద్ 4 వికెట్లు తీయగా, బిలాల్ ఖాన్ 2, కలీముల్లా 2 వికెట్లు పడగొట్టారు.