ఐపీఎల్ క్వాలిఫయర్-1: ఢిల్లీపై టాస్ గెలిచిన చెన్నై సూపర్ కింగ్స్

ఐపీఎల్ లో ప్లే ఆఫ్స్ దశకు తెరలేచింది. నేడు దుబాయ్ ఇంటర్నేషనల్ స్టేడియంలో జరిగే క్వాలిఫయర్-1 పోరులో ఢిల్లీ క్యాపిటల్స్, చెన్నై సూపర్ కింగ్స్ తలపడుతున్నాయి. టాస్ గెలిచిన చెన్నై జట్టు బౌలింగ్ ఎంచుకుంది. ఈ కీలకమైన మ్యాచ్ కోసం చెన్నై జట్టులో ఎలాంటి మార్పులు లేవని కెప్టెన్ ధోనీ వెల్లడించాడు.

ఇక ఢిల్లీ జట్టులో ఒక మార్పు జరిగింది. రిపల్ పటేల్ స్థానంలో ఆల్ రౌండర్ టామ్ కరన్ జట్టులోకి వచ్చాడని ఆ జట్టు సారథి రిషబ్ పంత్ వెల్లడించాడు. టాస్ గెలిస్తే తాము కూడా బౌలింగ్ ఎంచుకునేవాళ్లమని తెలిపాడు.

కాగా, ఈ మ్యాచ్ లో గెలిచిన జట్టు నేరుగా ఫైనల్స్ చేరుతుంది. ఓడిన జట్టుకు మరో అవకాశం ఉంటుంది. ఎలిమినేటర్ మ్యాచ్ లో గెలిచిన జట్టుతో క్వాలిఫయర్-2 మ్యాచ్ లో తలపడుతుంది. అందులో గెలిచిన జట్టు ఫైనల్స్ కు వెళుతుంది.