Adithynath Das: కవితలు రాసిన ఏపీ సీఎస్ ఆదిత్యనాథ్... ఆవిష్కరించిన సీఎం జగన్

ఏపీ ప్రభుత్వ ప్రధాన కార్యదర్శిగా త్వరలోనే పదవీ విరమణ చేయనున్న ఆదిత్యనాథ్ దాస్ లో మంచి సాహితీవేత్త కూడా ఉన్నాడు. ఆదిత్యనాథ్ దాస్ ఆంగ్లంలో కవితలు రాయగా, ఇవాళ జరిగిన ఓ కార్యక్రమంలో సీఎం జగన్ వాటిని ఆవిష్కరించారు. ఏపీ సీఎస్ ఆదిత్యనాథ్ దాస్ తాను రాసిన కవితలను 'డాన్సింగ్ విత్ డ్రీమ్స్' పేరిట సంకలనం చేశారు. రామ్ ప్రసాద్ అనే బుక్ పబ్లిషర్ ఈ కవితా సంకలనాన్ని ప్రచురించారు.

తాడేపల్లి క్యాంపు కార్యాలయంలో ఈ పుస్తకావిష్కరణ కార్యక్రమం నేడు జరిగింది. 'డ్యాన్సింగ్ విత్ డ్రీమ్స్' కవితా సంకలనాన్ని విడుదల చేసిన సీఎం జగన్ సీఎస్ ఆదిత్యనాథ్ దాస్ ను అభినందించారు. ఈ సందర్భంగా తాను గీసిన ఓ పెయింటింగ్ ను ఆదిత్యనాథ్ దాస్ సీఎం జగన్ కు బహూకరించారు.