KCR: కాసేపట్లో గాంధీ ఆసుపత్రికి వెళ్లనున్న సీఎం కేసీఆర్

తెలంగాణ ముఖ్యమంత్రి కేసీఆర్ కాసేపట్లో హైదరాబాదులోని గాంధీ ఆసుపత్రికి వెళ్లనున్నారు. కరోనా సెకండ్ వేవ్ నేపథ్యంలో హాస్పిటల్ ను పూర్తి స్థాయి కోవిడ్ సెంటర్ గా మార్చిన సంగతి తెలిసిందే. అత్యంత సీరియస్ కేసులన్నీ గాంధీకే వెళుతున్నాయి.

ప్రస్తుతం రాష్ట్ర ఆరోగ్యశాఖ కూడా కేసీఆర్ వద్దే ఉంది. ఈ నేపథ్యంలో కరోనా పరిస్థితిపై ఆయన సమీక్షలు కూడా నిర్వహిస్తూ సంబంధిత అధికారులకు సూచనలు, సలహాలు ఇస్తున్నారు. ఈ నేపథ్యంలో ఆయన గాంధీ ఆసుపత్రిని స్వయంగా పరిశీలించనున్నారు. అనంతరం గాంధీ ఆసుపత్రి వైద్యులతో సమీక్ష నిర్వహించి, కరోనా పరిస్థితిని అడిగి తెలుసుకుంటారు. ఆక్సిజన్ అందుబాటు, మందుల సరఫరా తదితర అంశాలపై చర్చించనున్నారు.