YS Jagan: 2014లో ఎన్నికల నియమావళి ఉల్లంఘన.. ఏపీ సీఎం జగన్‌కు తెలంగాణ కోర్టు సమన్లు
- 2014 ఎన్నికల్లో జాతీయ రహదారిపై ఎన్నికల ప్రచారం
- కోదాడ పోలీస్ స్టేషన్‌లో కేసు నమోదు
- కేసులో ఏ1 నిందితుడిగా జగన్
- ఈ నెల 12న విచారణకు హాజరు కావాల్సిందిగా ఆదేశం
హైదరాబాద్ నాంపల్లిలోని ప్రజా ప్రతినిధుల కోర్టు ఆంధ్రప్రదేశ్ ముఖ్యమంత్రి వైఎస్ జగన్ మోహన్‌రెడ్డికి సమన్లు జారీ చేసింది. 2014 ఎన్నికల ప్రచారంలో భాగంగా జాతీయ రహదారి-65పై అనుమతి లేకుండా ర్యాలీ నిర్వహించి ఎన్నికల ప్రవర్తనా నియమావళిని ఉల్లంఘించారంటూ దాఖలైన కేసులో కోర్టు తాజాగా సమన్లు జారీ చేసింది.
అప్పట్లో జగన్‌పై కోదాడ పోలీస్ స్టేషన్‌లో కేసు నమోదైంది. ఈ కేసులో పోలీసులు చార్జ్‌షీట్ దాఖలు చేశారు. ఈ కేసులో జగన్ ఏ1 నిందితుడు కాగా, ఏ2, ఏ3 నిందితులుగా ఉన్న వారిపై అక్కడి కోర్టు కేసులు కొట్టివేసింది. ఈ కేసులో ఏ1 నిందితుడిగా ఉన్న జగన్ ఇప్పటి వరకు విచారణకు హాజరు కాకపోవడంతో తాజాగా సమన్లు జారీ చేసింది. ఈ నెల 12న కోర్టుకు హాజరు కావాలని ఆదేశించింది.
