Vijay Sai Reddy: సొంత పార్టీ నేతలపైనే దాడులు చేయిస్తున్న చంద్రబాబు: విజయసాయి రెడ్డి

ఏపీలో మొదలైన పంచాయతీ ఎన్నికల్లో అభ్యర్థులు దొరకని స్థితిలో ఏం చేయాలో తెలియని చంద్రబాబు, ప్రజల దృష్టిని మళ్లించేందుకు తనదైన కుట్రలు చేస్తున్నారని వైఎస్ఆర్ కాంగ్రెస్ పార్టీ రాజ్యసభ సభ్యుడు విజయసాయి రెడ్డి ఆరోపించారు.

ఈ మేరకు తన ట్విట్టర్ ఖాతాలో ఓ ట్వీట్ పెట్టిన ఆయన, "పంచాయతీ ఎన్నికలు పెట్టాల్సిందేనని రంకెలేసిన చంద్రబాబు ఇప్పుడు అభ్యర్థులు దొరక్క కళ్లు తేలేస్తున్నాడు. ఈ పరాభవం నుంచి ప్రజల దృష్టి మళ్లించేందుకు తన పార్టీ నాయకుల మీద తనే దాడులు చేయించే కుట్రలు మొదలుపెట్టాడు. గుళ్లను కూల్చినోడికి ఇంతకు మించిన ఆలోచనలెలా వస్తాయి?" అని అన్నారు.