Allu Arjun: మోతుగూడెంలో బన్నీ మేనియా... వీడియో ఇదిగో!

టాలీవుడ్ హీరో అల్లు అర్జున్ నటిస్తున్న తాజా చిత్రం పుష్ప. ఎర్రచందనం స్మగ్లర్ల కథాంశంతో తెరకెక్కుతున్న ఈ చిత్రానికి సుకుమార్ దర్శకుడు. కాగా, పుష్ప తాజా షెడ్యూల్ ప్రస్తుతం మారేడుమిల్లి వద్ద జరుగుతోంది. షూటింగ్ అనంతరం బస చేసేందుకు వెళుతుండగా మోతుగూడెం వద్ద పెద్ద సంఖ్యలో అభిమానులు రావడంతో ఆ ప్రాంతమంతా కోలాహలంగా మారింది. ఈ విషయం తెలుసుకున్న అల్లు అర్జున్ రాత్రివేళ అయినప్పటికీ తన కారవాన్ నుంచి వెలుపలికి వచ్చాడు. అభిమానులందరికీ అభివాదం చేస్తూ వారికి సంతోషం కలిగించాడు. దీనికి సంబంధించిన వీడియో ఇప్పుడు వైరల్ అవుతోంది. బన్నీని ఫొటోలు తీసేందుకు అభిమానుల పోటీలుపడ్డారు.