‘మన సింగిల్స్ అందరికీ ఈ టైటిట్ సాంగ్ అంకితం అంటూ’ కొత్త సినిమా పాట విడుదల చేసిన సాయితేజ్

సోలో బ్రతుకు సో బెటర్ అని అందరికీ చెప్పుకుంటూ తిరిగే పాత్రలో ‘సోలో బ్రతుకే సో బెటర్’ సినిమాలో నటిస్తోన్న యంగ్ హీరో సాయితేజ్ ఈ సినిమాలోని మరోపాటను విడుదల చేశాడు. ఈ సినిమాలో హీరో విరాట్ అనే పాత్రలోను, హీరోయిన్ అమృత అనే పాత్రలోను నటిస్తున్నారు.

‘సాటి సోలో సోదరసోదరీమణులకు విరాట్ చెప్పేది ఏంటంటే... సోలో బ్రతుకే సో బెటర్. మన సింగిల్స్ అందరికీ అంకితం’ అంటూ ఈ టైటిల్ సాంగ్‌ను ఆయన పోస్ట్ చేశాడు. ‘సోలో బోలో బ్యాచ్‌లర్.. సోలో బతుకే సో బెటర్’ అంటూ ఈ పాట ప్రారంభం అవుతుంది. ఈ పాటను సిరివెన్నెల సీతారామశాస్త్రి రాశారు.

ఇప్పటికే ఈ సినిమాలోంచి కొన్ని పాటలు విడుదలై అలరిస్తోన్న విషయం తెలిసిందే. సుబ్బు డైరెక్షన్ లో 'సోలో బ్రతుకే సో బెటరు' సినిమా రూపుదిద్దుకుంటోంది. ఈ సినిమాను బీవీఎస్ఎన్ ప్రసాద్ నిర్మిస్తున్నారు. ఆమధ్య 'ప్రతిరోజూ పండగే'తో విజయాన్ని తన ఖాతాలో వేసుకున్న సాయితేజ్ నటిస్తోన్న ‘సోలో బ్రతుకే సో బెటర్’ సినిమాపై అభిమానుల్లో భారీ అంచనాలే ఉన్నాయి.