Sensex: దూసుకుపోయిన మార్కెట్లు.. 495 పాయింట్లు పెరిగిన సెన్సెక్స్

దేశీయ స్టాక్ మార్కెట్లు ఈరోజు దూసుకుపోయాయి. సెన్సెక్స్ చరిత్రలోనే తొలిసారి 46 వేల మార్కును అధిరోహించింది. కరోనా వైరస్ వల్ల నెమ్మదించిన ఆర్థిక స్థితి వేగంగా పుంజుకుంటుందోన్న అంచనాలు ఇన్వెస్టర్ సెంటిమెంటును బలపరిచాయి.

ఈ నేపథ్యంలో, ఈరోజు ట్రేడింగ్ ముగిసే సమయానికి సెన్సెక్స్ 495 పాయింట్లు లాభపడి 46,104కి పెరిగింది. నిఫ్టీ 136 పాయింట్లు పుంజుకుని 13,529 వద్ద స్థిరపడింది. బేసిక్ మెటీరియల్స్, పవర్ సూచీలు మినహా మిగిలినవన్నీ లాభాల్లో ముగిశాయి.

బీఎస్ఈ సెన్సెక్స్ టాప్ గెయినర్స్:
ఏసియన్ పెయింట్స్ (3.37%), కోటక్ మహీంద్రా బ్యాంక్ (2.67%), యాక్సిస్ బ్యాంక్ (2.19%), హెచ్డీఎఫ్సీ బ్యాంక్ (2.15%), ఇన్ఫోసిస్ (1.85%).

టాప్ లూజర్స్:
అల్ట్రాటెక్ సిమెంట్ (-1.29%), టాటా స్టీల్ (-0.79%), మారుతి సుజుకి (-0.70%), స్టేట్ బ్యాంక్ ఆఫ్ ఇండియా (-0.59%), బజాజ్ ఆటో (-0.43%).