కరోనా నుంచి కోలుకున్న వెంకయ్యనాయుడు... తాజా పరీక్షలో నెగెటివ్

12-10-2020 Mon 18:16
Vice President Venkaiah Naidu tetsed corona negative
  • కొన్నిరోజుల కిందట కరోనా బారినపడ్డ వెంకయ్య
  • హోం క్వారంటైన్ లో ఉన్న వెంకయ్య
  • సోమవారం ఆర్టీపీసీఆర్ టెస్టులు చేసిన ఎయిమ్స్  బృందం

భారత ఉప రాష్ట్రపతి వెంకయ్యనాయుడు కరోనా నుంచి కోలుకున్నారు. ఆయనకు తాజాగా నిర్వహించిన కరోనా టెస్టుల్లో నెగెటివ్ వచ్చింది. వెంకయ్యనాయుడుకు ఎయిమ్స్ వైద్యబృందం సోమవారం ఆర్టీ-పీసీఆర్ టెస్టులు నిర్వహించింది. వెంకయ్యకు కరోనా నయమైందని వెల్లడి కావడంతో అందరిలోనూ నిశ్చింత ఏర్పడింది.

వెంకయ్యనాయుడుకు కరోనా అంటూ సెప్టెంబరు 29న ఓ ప్రకటన వెలువడింది. అప్పటినుంచి వెంకయ్యనాయుడు హోం క్వారంటైన్ లోనే ఉన్నారు. తాజాగా ఆయనకు కరోనా నెగెటివ్ వచ్చిందన్న నేపథ్యంలో భారత ఉపరాష్ట్రపతి కార్యాలయం స్పందించింది. త్వరలోనే వెంకయ్యనాయుడు అధికారిక విధులకు హాజరవుతారని, డాక్టర్ల సూచనల మేరకు వ్యవహరిస్తారని ఓ ప్రకటన చేసింది.