Hero Nani: సుదీర్ఘ విరామం తర్వాత 'టక్ జగదీష్' షూటింగ్ లో పాల్గొన్న నాని

లాక్ డౌన్ సడలింపుల నేపథ్యంలో సినిమా షూటింగులు క్రమంగా ఊపందుకుంటున్నాయి. నాని హీరోగా నటిస్తున్న 'టక్ జగదీష్' చిత్రం కూడా మళ్లీ పట్టాలెక్కింది. దాదాపు 7 నెలల విరామం అనంతరం ఈ చిత్రం సోమవారం నుంచి షూటింగ్ జరుపుకుంటోంది.

తాజాగా హీరో నాని షూటింగ్ లో జాయిన్ అయ్యాడు. తనే ఈ విషయాన్ని వెల్లడించాడు. 'జగదీష్ జాయిన్స్... టక్ బిగిన్స్' అంటూ కామెంట్ పెట్టాడు. అంతేకాదు, టక్ చేసి, ఓ చేత్తో మాస్కు పట్టుకున్న ఫొటోను కూడా నాని పంచుకున్నాడు.

శివ నిర్వాణ దర్శకత్వంలో తెరకెక్కుతున్న ఈ చిత్రంలో నాని సరసన రీతూ వర్మ, ఐశ్వర్య రాజేశ్ కథానాయికలుగా నటిస్తున్నారు. ఈ చిత్రాన్ని హరీశ్ పెద్ది, సాహు గారపాటి సంయుక్తంగా నిర్మిస్తున్నారు.