Hyderabad: జూబ్లీహిల్స్ నుంచి మైండ్ స్పేస్ కు... 20 నిమిషాల ప్రయాణం ఇక 6 నిమిషాలే!

హైదరాబాద్ లో నిత్యమూ అత్యంత రద్దీగా ఉండే మార్గాల్లో జూబ్లీహిల్స్ నుంచి మైండ్ స్పేస్ కు దారితీసే మార్గం కూడా ఉంటుంది. మొత్తం 6.5 కిలోమీటర్ల దూరం ఉండే ఈ మార్గంలో వెళ్లాలంటే, కనీసం 20 నిమిషాల సమయం పడుతుంది. ఉదయం నుంచి రాత్రి పొద్దుపోయే వరకూ ఈ రహదారిలో గంటకు 30 కిలోమీటర్ల వేగానికి మించి వెళ్లే పరిస్థితి ఉండదు. అటువంటిది ఇప్పుడీ దూరం 2.5 కిలోమీటర్లకు తగ్గిపోయింది. ప్రయాణ సమయం కేవలం 6 నిమిషాలకు దిగివచ్చింది.

నిన్న రాత్రి దుర్గం చెరువుపై నిర్మించిన తీగల వంతెన జాతికి అంకితమైన సంగతి తెలిసిందే. దీంతో జూబ్లీహిల్స్ రోడ్ నంబర్ 45లో ఫ్లయ్ ఓవర్ ఎక్కితే, నేరుగా మైండ్ స్పేస్ వరకూ సునాయాసంగా వెళ్లే అవకాశం హైదరాబాదీలకు దగ్గరైంది. ఈ బ్రిడ్జ్ పై వారాంతంలో మాత్రం వాహనాలను అనుమతించబోమని, సందర్శకుల కోసం తెరచి, ప్రత్యేక లైటింగ్ కార్యక్రమాలను చేపట్టి, టూరిజం స్పాట్ గా అభివృద్ధి చేయాలని ప్రభుత్వం నిర్ణయించిన సంగతి విదితమే.

.