Rhea Chakraborty: రియా కేసులో కొత్త విషయం.. సుశాంత్ ఇంటి నుంచి రియా నివాసానికి కొరియర్!

డ్రగ్స్ వ్యవహారంలో బాలీవుడ్ నటి రియా చక్రవర్తి, ఆమె సోదరుడు, మరో నలుగురు ఊచలు లెక్కిస్తున్నారు. బెయిల్ కోసం వారు పెట్టుకున్న పిటిషన్ ను కోర్టు కొట్టేసింది. మరోవైపు నార్కోటిక్స్ కంట్రోల్ బ్యూరో (ఎన్సీబీ) విచారణలో మరో 15 మంది సెలబ్రిటీల పేర్లను రియా వెల్లడించిందని విశ్వసనీయ వర్గాల సమాచారం. వీరందరినీ విచారించేందుకు ఎన్సీబీ సిద్ధమవుతోంది. అయితే ఈ 15 మంది బాలీవుడ్ లో బీ-కేటగిరీకి చెందిన యాక్టర్లని తెలుస్తోంది.

తాజాగా మరో ఆసక్తికర విషయం వెలుగులోకి వచ్చింది. లాక్ డౌన్ సమయంలో సుశాంత్ ఇంటి నుంచి రియా నివాసానికి ఒక కొరియర్ వెళ్లిందనేది ఆ సమాచారం. రియా సోదరుడు ఆ కొరియర్ ను రిసీవ్ చేసుకున్నాడు. ఆ కొరియర్ లో డ్రగ్స్ ఉన్నాయని తెలుస్తోంది. డ్రగ్స్ అనే డౌట్ రాకుండా అరకిలో బరువున్న ఇతర వస్తువులను అందులో ప్యాక్ చేశారు. పోలీసుల సోదాల్లో చిక్కకుండా ఉండేందుకు డ్రగ్స్ ను కొరియర్ ద్వారా పంపించారు. ఈ విషయం వెలుగులోకి రావడంతో రియాకు కష్టాలు మరింత పెరిగాయనే చెప్పుకోవాలి.