అనుష్కకు ఐదో నెల... జనవరిలో ముగ్గురం అవబోతున్నామని శుభవార్త చెప్పిన కోహ్లీ!

విరాట్ కోహ్లీ, అనుష్క దంపతుల కల నెరవేరే సమయం ఆసన్నమైంది. ఇండియాలో టాప్ మోస్ట్ సెలబ్రిటీ కపుల్స్ లో ఒకటైన ఈ జంట, జనవరిలో తమ ఇంటికి మూడో మనిషిని ఆహ్వానించనుంది. ఈ విషయాన్ని విరాట్ స్వయంగా తన ట్విట్టర్ ఖాతాలో వెల్లడిస్తూ, అభిమానులకు శుభవార్త చెప్పారు.

"ఇప్పుడిక మేము ముగ్గురం... జనవరి 2021లో రాక" అని ట్వీట్ చేశారు. ఈ ట్వీట్ కు అనుష్కతో ఉన్న ఫోటోను విరాట్ జతచేశారు. ఇందులో అనుష్క బేబీ బంప్ స్పష్టంగా కనిపిస్తోంది. ఈ ట్వీట్ క్షణాల్లో వైరల్ అయింది. వేలాది లైక్స్ వచ్చాయి. ఎంతో మంది ఫ్యాన్స్, సెలబ్రిటీలు విరుష్క దంపతులకు శుభాభినందనలు చెబుతున్నారు. జనవరిలో డెలివరీ ఉన్నదంటే, ఇప్పుడు ఐదో నెల జరుగుతున్నట్టని, ముందే ఎందుకు చెప్పలేదని ఆప్యాయంగా ప్రశ్నిస్తూ, బిడ్డ ఎమోజీలతో హోరెత్తిస్తున్నారు.