ఫోన్ ట్యాపింగ్ పిటిషన్ పై విచారణ ఈ నెల 27కి వాయిదా

ఏపీలో ఇటీవల ఫోన్ ట్యాపింగ్ కలకలం బయల్దేరిన సంగతి తెలిసిందే. టీడీపీ అధ్యక్షుడు చంద్రబాబునాయుడు దీనిపై ప్రధాని మోదీకి లేఖ కూడా రాశారు. ప్రస్తుతం ఈ అంశం ఏపీలో చర్చనీయాంశంగా ఉంది.

ఈ క్రమంలో, న్యాయమూర్తులు, లాయర్లు, ఇతర ప్రముఖల ఫోన్లు ట్యాపింగ్ కు గురయ్యాయంటూ హైకోర్టులో పిటిషన్ దాఖలు కాగా, ఆ పిటిషన్ పై విచారణ చేపట్టిన హైకోర్టు తదుపరి విచారణను ఈ నెల 27కి వాయిదా వేసింది. దీనిపై పిటిషనర్ తరఫు న్యాయవాది మాట్లాడుతూ, పిటిషనర్ అఫిడవిట్ ను ప్రధాన పిటిషన్ కు జత చేయాలని న్యాయస్థానం ఆదేశించిందని తెలిపారు. రెండ్రోజుల్లో అనుసంధాన పిటిషన్ వేయాలని సూచించిందని వివరించారు.