సంగీత సాయి... ఈ లోకానికి దూరమై మా గుండెల్లో విషాదాన్ని నింపావు: నాగబాబు

తూర్పు గోదావరి జిల్లాకు చెందిన జనసేన నేత సంగీత సాయి గుణ రంజన్ ఆకస్మిక మరణం పట్ల నటుడు నాగబాబు దిగ్భ్రాంతి వ్యక్తం చేశారు. ఈ లోకానికి దూరమై గుండెల్లో విషాదాన్ని నింపావు అంటూ నాగబాబు తీవ్ర విచారం వ్యక్తం చేశారు. "నా మనసుకు ఎంతో చేరువైన, నా కుటుంబంలో ఒకడిగా మెలిగిన వ్యక్తి సంగీత సాయి" అని నాగబాబు వివరించారు. "సాయి... నువ్వు భౌతికంగా దూరం అయినా, నువ్వు అన్నా అని పిలిచే పిలుపు నా చుట్టూ ఎప్పుడూ ఉంటుంది" అంటూ భావోద్వేగాలతో ట్వీట్ చేశారు.