ఆ ముగ్గురు చిన్నారుల బాధ్యత ఇక నాదే: సోనూ సూద్

బాలీవుడ్ నటుడు సోనూ సూద్ తనలోని మానవతా దృక్పథానికి పరిమితులు లేవని మరోసారి నిరూపించుకున్నారు. తాజాగా యాదాద్రి భువనగిరి జిల్లాలో ముగ్గురు అనాథ చిన్నారుల బాధ్యతలను ఇకపై తానే చూసుకుంటానని హామీ ఇచ్చారు.  

యాదాద్రి భువనగిరి జిల్లాకు చెందిన ఆ చిన్నారులు తల్లిదండ్రులను కోల్పోయారని, వారిలో కాస్త పెద్దవాడు మిగిలిన ఇద్దరి ఆలనా పాలనా చూస్తున్నాడని మీడియాలో కథనాలు వచ్చాయి. మీడియాలో వచ్చిన ఓ క్లిప్పింగ్ ను రాజేశ్ కరణం అనే వ్యక్తి సోనూ సూద్ దృష్టికి తీసుకెళ్లాడు. ఆ ముగ్గురు చిన్నారులకు ఎవరూ లేరని, మీరే ఆదుకోవాలని సూచించాడు. దీనిపై సోనూ వెంటనే స్పందించాడు. వారు ఇక ఎంతమాత్రం అనాథలు కారని ఆయన స్పష్టం చేశారు.