ap7am logo

గాల్వన్ ఘర్షణ: తమ ప్రభుత్వ తీరుపై మృతి చెందిన చైనా సైనికుల కుటుంబాల ఆగ్రహం

Sun, Jun 28, 2020, 10:44 AM
China failing to silence upset familes of soldiers killed in Galwan face off
  • వెల్లడించిన బ్రీట్‌బార్ట్ న్యూస్ 
  • వెయిబోతో పాటు పలు సామాజిక మాధ్యమాల ద్వారా అసంతృప్తి
  • సైనికుల పేర్లు ప్రకటించలేదని ఆగ్రహం
  • అతి కొద్ది మంది ఆఫీసర్ల పేర్లే ప్రకటించిన చైనా
తూర్పు లడఖ్‌లోని గాల్వన్‌ లోయ వద్ద జరిగిన ఘర్షణలో చైనా సైనికులు చాలా మంది ప్రాణాలు కోల్పోయిన విషయం తెలిసిందే. మరి కొంత మంది తీవ్రగాయాలపాలయ్యారు. ఆ ఘర్షణలో చైనా ఇప్పటికీ మృతుల వివరాలు తెలపకపోవడం గమనార్హం. దీంతో చైనా ప్రభుత్వ తీరుపై ఆ సైనికుల కుటుంబ సభ్యులు ఆగ్రహం వ్యక్తం చేస్తున్నారు.
   
చైనీస్ కమ్యూనిస్టు పార్టీ వ్యవహరిస్తోన్న ఈ తీరుపై మృతుల కుటుంబ సభ్యులు అసంతృప్తితో ఉన్నారని అమెరికా కేంద్రంగా నడిచే బ్రీట్‌బార్ట్ న్యూస్ తెలిపింది. వెయిబోతో పాటు చైనాకు చెందిన పలు సామాజిక మాధ్యమాల ద్వారా ఆయా సైనికుల కుటుంబ సభ్యులు తమ ఆగ్రహాన్ని వెళ్లగక్కుతున్నట్లు బ్రీట్‌బార్ట్‌ న్యూస్‌ ఎడిటర్‌ ఓ కథనంలో పేర్కొన్నారు. 

జూన్‌ 15న జరిగిన ఘర్షణలో 20 మంది తమ సైనికులు ప్రాణాలు కోల్పోయినట్లు భారత్‌ ప్రకటించింది. అదే సమయంలో చైనా వైపున కూడా భారీగా ప్రాణ నష్టం జరిగిందని చెప్పింది. చైనా మాత్రం ఈ విషయంపై అధికారికంగా ప్రకటన చేయలేకపోతోంది.

ఇప్పటివరకు మృతి చెందిన అతి కొద్ది మంది ఆఫీసర్ల పేర్లే ప్రకటించింది. ఈ విషయంపై మృతి చెందిన చైనా సైనికుల కుటుంబాలు సామాజిక  మాధ్యమాల ద్వారా తమ అసంతృప్తిని వ్యక్తం చేస్తున్నాయని ఆ కథనంలో పేర్కొని చైనా తీరుని  బ్రీట్‌బార్ట్ న్యూస్ ఎండగట్టింది.
X

Feedback Form

I agree to Terms of Service & Privacy Policy
Do you hate Fake News, Misleading Titles, Cooked up Stories and Cheap Analyses?...
We are here for YOU: Team ap7am.com
GarudaVega Banner Ad