Anushka Shetty: 'నిశ్శబ్దం' బ్లాస్ట్ అయ్యేలా క్లైమాక్స్

కథా భారాన్ని పూర్తిగా తనపై వేసుకుని చివరివరకూ సమర్థవంతంగా నడిపించే నాయికలలో అనుష్క ఒకరు. 'అరుంధతి' .. 'రుద్రమదేవి' .. 'భాగమతి' సినిమాలు అందుకు నిదర్శనంగా కనిపిస్తాయి. అదే తరహాలో ఆమె 'నిశ్శబ్దం' సినిమా చేసింది. ఇప్పటికే ఈ సినిమా ప్రేక్షకుల ముందుకు రావలసి వుంది. అయితే లాక్ డౌన్ కారణంగా వాయిదా పడింది. సస్పెన్స్ థ్రిల్లర్ గా ఈ సినిమా సాగుతుందని సమాచారం.

ఒక మర్డర్ మిస్టరీ చుట్టూ ఈ కథ తిరుగుతుంది. ఈ మర్డర్ ఎవరు చేశారనేదే సస్పెన్స్. ఎవరు చేసి ఉంటారనేది చివరివరకూ ఆడియన్స్ గెస్ చేయడానికి లేకుండా కథనం సాగుతుందని చెబుతున్నారు. నిశ్శబ్దాన్ని బ్లాస్ట్ చేస్తూ క్లైమాక్స్ ఉంటుందని అంటున్నారు. ఈ మధ్య కాలంలో ఈ తరహా క్లైమాక్స్ రాలేదని అంటున్నారు. అనుష్క కెరియర్లో చెప్పుకోదగిన చిత్రాల్లో ఈ సినిమాకి చోటు దొరకడం ఖాయమని చెబుతున్నారు. ఇందులో మాధవన్ .. అంజలి .. షాలినీ పాండే ఇతర ముఖ్యపాత్రల్లో కనిపించనున్న సంగతి తెలిసిందే.