Nani: 'టక్ జగదీశ్' కోసం నాని డిఫరెంట్ లుక్!

తనకి సక్సెస్ ఇచ్చిన దర్శకులతో మళ్లీ మళ్లీ కలిసి పనిచేసే అలవాటు నానీకి వుంది. అలా ఇంద్రగంటితో చేసిన నాని, శివ నిర్వాణతోను కలిసి చేస్తున్నాడు. గతంలో ఈ ఇద్దరి కాంబినేషన్లో వచ్చిన 'నిన్నుకోరి' భారీ విజయాన్ని సొంతం చేసుకుంది. అందువలన శివ నిర్వాణతో మరో సినిమాను చేయడానికి నాని అంగీకరించాడు. ఈ సినిమాకి 'టక్ జగదీశ్' అనే టైటిల్ ను ఖరారు చేశారు.

ఇప్పటికే ఈ సినిమా రెగ్యులర్ షూటింగ్ జరుపుకుంటోంది. ఈ సినిమాలో నాని ఫ్రెంచ్ కట్ తో .. డిఫరెంట్ లుక్ తో చాలా స్టైలీష్ గా కనిపిస్తాడని అంటున్నారు. ఇంతవరకూ ఆయన చేసిన పాత్రలకి ఈ పాత్ర పూర్తి భిన్నంగా ఉంటుందని అంటున్నారు. తదుపరి షెడ్యూల్ కోసం ఏప్రిల్ 2వ వారం నుంచి ఈ సినిమా సెట్స్ పైకి వెళ్లనుంది. రీతూ వర్మ .. ఐశ్వర్య రాజేశ్ కథానాయికలుగా నటిస్తున్న ఈ సినిమాలో, నాజర్ .. రావు రమేశ్ .. మురళీ శర్మ వంటి వారు ముఖ్యమైన పాత్రల్లో కనిపించనున్నారు.