Chiranjeevi: మెగాస్టార్ సరసన అందాల అనుష్క?

చిరంజీవి .. కొరటాల శివ కాంబినేషన్లో ఒక భారీ చిత్రం రూపొందుతోంది. చిరంజీవి నుంచి అభిమానులు కోరుకునే అన్ని అంశాలను ఈ కథలో కొరటాల పొందుపరిచాడు. ఈ సినిమాలో కథానాయికగా 'త్రిష'ను తీసుకున్నారు. 'స్టాలిన్' తరువాత ఈ జంటను చూడటానికి అభిమానులు ఆసక్తిని చూపారు. అయితే కొన్ని కారణాల వలన ఈ ప్రాజెక్టు నుంచి త్రిష తప్పుకోవడంతో కాజల్ పేరు వినిపించింది. 'ఖైదీ నెంబర్ 150' సినిమాతో అలరించిన ఈ జోడి పట్ల కూడా అభిమానులు ఉత్సాహాన్ని కనబరిచారు.

తాజాగా ఇప్పుడు అనుష్క పేరు తెరపైకి వచ్చింది. చిరంజీవి జోడీగా .. పాత్ర పరంగా అనుష్క అయితే కరెక్ట్ గా ఉంటుందని భావించి, ఆమెను సంప్రదిస్తున్నట్టుగా సమాచారం. ఈ ఆఫర్ ను అనుష్క వదులుకోకపోవచ్చని చెబుతున్నారు. గతంలో 'స్టాలిన్' సినిమాలో చిరూ సరసన అనుష్క ఒక ప్రత్యేక గీతంలో సందడి చేసిన సంగతి తెలిసిందే.