అల్లరి నరేశ్ తో కలిసి సందడి చేయనున్న కాజల్

కాజల్ అగర్వాల్... తెలుగులో దాదాపు అందరు స్టార్ హీరోలతో నటించి అగ్ర స్థానంలో కొనసాగిన నటి. ఇప్పుడు కొత్త భామలు వస్తుండటంతో ఆమె స్పీడ్ కొంచెం తగ్గింది. ప్రస్తుతం 'భారతీయుడు-2' చిత్రంలో కమలహాసన్ సరసన నటిస్తోంది.

తాజాగా తెలుగులో మరో సినిమాకు కాజల్ ఓకే చెప్పింది. కొరియాకు చెందిన 'డ్యాన్సింగ్ క్వీన్' సినిమాను తెలుగులో రీమేక్ చేస్తున్నారు. ఈ చిత్రాన్ని సురేష్ ప్రొడక్షన్స్ తెరకెక్కించబోతోంది. ఈ సినిమాలో అల్లరి నరేష్ తో పాటు కాజల్ కూడా నటించనుంది. ఈ విషయాన్ని నిర్మాత సురేష్ బాబు వెల్లడించారు. ఓ జాతీయ మీడియాతో ఆయన మాట్లాడుతూ, తమ చిత్రంలో నటించేందుకు కాజల్ అంగీకరించిందని చెప్పారు. దర్శకుడు ఎవరన్నది ఇంకా నిర్ణయించలేదని.. త్వరలోనే అన్ని వివరాలను వెల్లడిస్తామని తెలిపారు.