Roja: గ్రీన్ ఛాలెంజ్.. ఖుష్బూ మూడు మొక్కలు నాటారన్న రోజా
- గ్రీన్ ఇండియా ఛాలెంజ్, ‘రోజా వనం’ సంయుక్త కార్యక్రమం
- ఖుష్బూ మూడు మొక్కలు నాటారు
- సినీనటులు మీనా, సుహాసిని, డ్యాన్సర్ బ్రిందాకు ఆమె ఛాలెంజ్ విసిరారు
తమిళనాడు కాంగ్రెస్ నేత, ప్రముఖ సినీ నటి ఖుష్బూ తన ‘గ్రీన్ ఛాలెంజ్’ను పూర్తి చేశారు. మూడు మొక్కలను నాటారు. ఈ సందర్భంగా మరో ముగ్గురు సెలెబ్రెటీలకు ఆమె గ్రీన్ ఛాలెంజ్ విసిరారు. ఈ సందర్భంగా వైసీపీ ఎమ్మెల్యే, ప్రముఖ సినీ నటి రోజా తన ఫేస్ బుక్ ఖాతాలో ఓ పోస్ట్ చేశారు. గ్రీన్ ఇండియా ఛాలెంజ్, ‘రోజా వనం’ సంయుక్తంగా నిర్వహించిన కార్యక్రమంలో ఖుష్బూ మూడు మొక్కలు నాటారని చెప్పారు. సినీ నటులు మీనా, సుహాసిని, డ్యాన్సర్ బ్రిందాకు ఖుష్బూ గ్రీన్ ఛాలెంజ్ విసిరారని పేర్కొన్నారు.
ఈ సందర్భంగా ‘మొక్కలు నాటుదాం.. పర్యావరణాన్ని రక్షించుకుందాం’ స్లోగన్ ని చేశారు. ఖుష్బూ మొక్క నాటుతున్న సమయంలో ఆమెకు రోజా సాయపడుతున్న వీడియోను, అదేవిధంగా, ఖుష్బూ మాట్లాడుతున్న మరో వీడియోను రోజా పోస్ట్ చేశారు. ఖుష్బూ, రోజాలు కలిసి సెల్ఫీ దిగడం కూడా ఈ వీడియోలో కనబడుతుంది.
