Rana: చూడటానికి రానా అలా కనిపిస్తాడంతే: హీరోయిన్ సీరత్ కపూర్

తెలుగుతో పాటు రానా ఇతర భాషా చిత్రాలు చేయడానికి కూడా ఆసక్తిని చూపుతుంటాడు. హీరోగా మాత్రమే చేస్తాననే నియమమేం పెట్టుకోకుండా, ప్రాధాన్యత కలిగిన పాత్రలను సైతం చేస్తూ వెళుతున్నాడు. ఇతర భాషల్లోనూ వరుస సినిమాలు చేస్తుండటం వలన, అందరితోను కలుపుగోలుగా ఉండటం వలన ఆయన స్నేహితుల జాబితా పెద్దదే.

రానాను దగ్గరగా చూసినవాళ్లు ఆయన వ్యక్తిత్వాన్ని అభినందిస్తూ మాట్లాడకుండా ఉండలేరు. తాజాగా ఆ జాబితాలో హీరోయిన్ సీరత్ కపూర్ కూడా చేరిపోయింది. "రానాతో నాకు చాలా కాలం నుంచి పరిచయం వుంది .. మా ఇద్దరి మధ్య మంచి స్నేహం వుంది. చూడటానికి రానా చాలా రఫ్ అండ్ టఫ్ గా కనిపిస్తాడుగానీ, ఆయన మనసు చాలా సున్నితం. రానా ఎక్కడ వుంటే అక్కడ సందడి ఉండటానికి కారణం ఆయన మంచి మనసే" అని చెప్పుకొచ్చింది. ఆమె తాజా చిత్రమైన 'కృష్ణ అండ్ హిజ్ లీల' సినిమాను రానా సమర్పిస్తున్న సంగతి తెలిసిందే.