RamyaKrishna: 'కేజీఎఫ్ 2' కోసం రమ్యకృష్ణ భారీ పారితోషికం అడిగిందట!

తెలుగు .. తమిళ భాషల్లో రమ్యకృష్ణకి ఇప్పుడు విపరీతమైన క్రేజ్ వుంది. 'బాహుబలి'లో శివగామి పాత్ర నుంచి, కీలకమైన పాత్రలను చేస్తూ వెళుతోంది. పవర్ఫుల్ పాత్ర ఏదైనా వుంటే ముందుగా దర్శకనిర్మాతలు ఆమెనే సంప్రదిస్తున్నారు. ఈ నేపథ్యంలోనే 'కేజీఎఫ్ 2' సినిమాలో లేడీ పీఎమ్ పాత్రకి గాను రమ్యకృష్ణను అడిగారట.

అయితే ఆ సినిమాకి గల భారీతనాన్ని .. ఆ పాత్ర ప్రాధాన్యతను దృష్టిలో పెట్టుకుని రమ్యకృష్ణ పెద్ద మొత్తంలోనే పారితోషికాన్ని డిమాండ్ చేసిందట. దాంతో వాళ్లు రవీనా టాండన్ ను తీసుకున్నారట. యష్ సరసన శ్రీనిధి శెట్టి కథానాయికగా నటిస్తున్న ఈ సినిమాలో, ప్రతినాయకుడిగా సంజయ్ దత్ కనిపించనున్నాడు. ఒక ముఖ్యమైన పాత్రను రావు రమేశ్ పోషిస్తున్నాడు. మొదటి భాగం సంచలన విజయాన్ని సాధించడంతో, సహజంగానే రెండవ భాగంపై భారీ అంచనాలు వున్నాయి.