Chandrababu: రేపు రెండు పెళ్లిళ్లకు హాజరుకానున్న చంద్రబాబు
- రేపు చంద్రబాబు బిజీబిజీ
- అశ్వారావుపేట ఎమ్మెల్యే కొడుకు పెళ్లికి వెళ్లనున్న బాబు
- అలాగే, బెంగళూరులో జరిగే మరో వివాహానికి కూడా
టీడీపీ అధినేత చంద్రబాబునాయుడు రేపు రెండు పెళ్లిళ్లకు హాజరుకానున్నారు. భద్రాద్రి కొత్తగూడెం జిల్లాలోని అశ్వారావుపేట ఎమ్మెల్యే మెచ్చా నాగేశ్వరరావు కుమారుడి పెళ్లికి చంద్రబాబు హాజరు కానున్నారు. ఈ సందర్భంగా ఖమ్మం జిల్లా సత్తుపల్లికి బాబు వెళ్లనున్నారు. ఈ వివాహానికి హాజరైన అనంతరం టీడీపీ నేత బొల్లినేని రామారావు కుమారుడి వివాహానికి కూడా బాబు వెళతారని సమాచారం. రేపు రాత్రికి బెంగళూరు వెళ్లి ఆ పెళ్లి వేడుకల్లో పాల్గొననున్నారు. ఆయా వివాహా వేడుకలకు హాజరై వధూవరులను చంద్రబాబు ఆశీర్వదించనున్నారు.
