Allu Shirish: హిట్ కొట్టాలనే పట్టుదలతో వున్న అల్లు శిరీష్

అల్లు అరవింద్ చేతిలో గీతా ఆర్ట్స్ .. గీతా ఆర్ట్స్ 2 బ్యానర్లు వున్నాయి. ఎంత బడ్జెట్లో సినిమాను తీయడానికైనా ఆయన వెనుకాడరు. అయినా ఇంతవరకూ శిరీష్ కి సరైన హిట్ పడలేదు. దాంతో ఈ సారి తప్పకుండా ఆయన హిట్ కొట్టాలనే పట్టుదలతో వున్నాడు. శిరీష్ కెరియర్ ను అల్లు అరవింద్ కూడా సీరియస్ గానే తీసుకున్నారనే టాక్ ఫిల్మ్ నగర్లో వినిపిస్తోంది.

ఇటీవల ' రాక్షసుడు' సినిమాతో హిట్ కొట్టిన రమేశ్ ను పిలిపించి, శిరీష్ కోసం మంచి రీమేక్ సినిమాను సెట్ చేయమని చెప్పినట్టుగా సమాచారం. ప్రస్తుతం రమేశ్ వర్మ అదే పనిలో వున్నాడని అంటున్నారు. ప్రస్తుతం అల్లు అరవింద్ తన బ్యానర్లో నిర్మితమవుతోన్న రెండు సినిమాల పనులతో బిజీగా వున్నారు. ఆయన కోరిక మేరకు రంగంలోకి దిగిన రమేశ్ వర్మ ఏ రీమేక్ ను లైన్లో పెడతాడో, అల్లు అరవింద్ ప్రయత్నం ఎంతవరకూ ఫలిస్తుందో చూడాలి.