'ఎవరో ఒకర్ని చూసుకుని త్వరగా పెళ్లి చేసుకో' అంటూ అనుష్కకు సలహా ఇస్తా: ప్రభాస్

టాలీవుడ్ లో అగ్రనటులుగా పేరుపొందిన ప్రభాస్, అనుష్కల సాన్నిహిత్యం గురించి ఇప్పటికీ ప్రచారం జరుగుతూనే ఉంది. దీనిపై ప్రభాస్ మరోసారి స్పష్టతనిచ్చారు. 'సాహో' ప్రమోషన్ కార్యక్రమాల్లో బిజీగా ఉన్న ప్రభాస్ దీని గురించి మాట్లాడుతూ, తామిద్దరం రిలేషన్ లో ఉంటే ఆ విషయం దాచాల్సిన అవసరం లేదని, ఇలాంటి పుకార్లు ఎక్కడి నుంచి వస్తాయో తెలియడంలేదని అసంతృప్తి వ్యక్తం చేశారు. తాము కేవలం స్నేహితులం మాత్రమేనని మరోసారి స్పష్టం చేశారు. తాను చెప్పేది నమ్మకపోతే ఇంకేం చేయలేనని అన్నారు. ఈ ప్రచారం ఇంతటితో ఆగిపోవాలంటే అనుష్క అయినా పెళ్లి చేసుకోవాలి, లేదా తానైనా ఓ ఇంటివాడ్ని కావాలని ప్రభాస్ అభిప్రాయపడ్డారు. ఎవరో ఒకర్ని చూసుకుని త్వరగా పెళ్లి చేసుకో అంటూ అనుష్కకు సలహా ఇస్తానని చెప్పారు.