Chiranjeevi: సినీరంగంలో తిరుగులేని స్థానంతో పాటు, అశేష ప్రేక్షకాభిమానాన్ని పొందిన చిరంజీవికి శుభాకాంక్షలు: చంద్రబాబు

మెగాస్టార్ చిరంజీవి పుట్టినరోజు సందర్భంగా మాజీ ముఖ్యమంత్రి చంద్రబాబు శుభాకాంక్షలు తెలిపారు. ఈ సందర్భంగా చిరంజీవిని చంద్రబాబు ఆకాశానికెత్తేశారు. స్వయంకృషితో అంచెలంచెలుగా ఎదిగి తెలుగు సినీ పరిశ్రమలో తిరుగులేని స్థానాన్ని సంపాదించారని, అశేష ప్రేక్షకాభిమానాన్ని చూరగొన్నారని కొనియాడారు. సంపూర్ణ ఆయురారోగ్యాలతో, సుఖసంతోషాలతో ఆయన చిరంజీవిగా వర్ధిల్లాలని మనస్పూర్తిగా కోరుకుంటున్నానని ట్వీట్ చేశారు. ఈ సందర్భంగా చిరంజీవితో కలసి సంతోషంగా గడిపిన ఒక ఫొటోను షేర్ చేశారు. మరోవైపు, తమ అభిమాన నటుడికి చంద్రబాబు శుభాకాంక్షలు తెలపడం పట్ట మెగా అభిమానులు సంతోషాన్ని వ్యక్తం చేస్తున్నారు.