Kajal Agarwal: సినిమా కబుర్లు.. సంక్షిప్త సమాచారం

*  గత సంవత్సరం ప్రశాంత్ వర్మ దర్శకత్వంలో రూపొందిన 'ఆ..' చిత్రంలో నటించిన కథానాయిక కాజల్ అగర్వాల్ మళ్లీ ఇప్పుడు ఆయన దర్శకత్వంలో మరో సినిమా చేస్తోంది. ప్రశాంత్ వర్మ తాజాగా మరో ప్రయోగాత్మక చిత్రాన్ని రూపొందిస్తున్నాడు. ఇందులో కాజల్ ను ఓ కీలక పాత్రకు ఎంచుకున్నట్టు సమాచారం.
*  విజయ్ దేవరకొండ హీరోగా వచ్చిన 'డియర్ కామ్రేడ్' చిత్రం మిశ్రమ స్పందనను తెచ్చుకుంది. కాగా, ఈ చిత్రాన్ని హిందీలోకి రీమేక్ చేయడానికి ఇప్పటికే ప్రముఖ బాలీవుడ్ ఫిలిం మేకర్ కరణ్ జొహార్ హక్కులను తీసుకున్నాడు. ఇందుకు గాను ఆయన 6.2 కోట్లు చెల్లించినట్టు తెలుస్తోంది.
*  తమిళ కథానాయకుడు ధనుశ్ తాజాగా నటిస్తున్న చిత్రం పేరు 'పటాస్'. ఇందులో ఆయన తండ్రీకొడుకులుగా డబుల్ రోల్స్ చేస్తున్నాడు. ఇక తండ్రి సరసన స్నేహ, కొడుకు సరసన మెహ్రీన్ హీరోయిన్లుగా నటిస్తున్నారట.