Koteswaramma: 20 నుంచి 24 వరకూ విజయవాడ దుర్గ గుడిలో వరుణయాగం

వర్షాల కోసం ప్రజలు, ముఖ్యంగా రైతులు ఎంతగా ఎదురు చూస్తున్నారో ప్రత్యేకంగా చెప్పనక్కర్లేదు. జూన్ రెండవ వారం నాటికి తెలుగు రాష్ట్రాలకు విస్తరించాల్సిన నైరుతి రుతుపవనాలు మూడో వారం ముగుస్తున్నా జాడ లేవు. ఈ నేపథ్యంలో వర్షాలు సమృద్ధిగా కురిసి రాష్ట్రం సస్యశ్యామలంగా ఉండాలని ఆకాంక్షిస్తూ విజయవాడలోని దుర్గా మల్లేశ్వరస్వామి దేవస్థానం ఆధ్వర్యంలో వరుణ యాగం నిర్వహించనున్నట్టు ఈవో కోటేశ్వరమ్మ తెలిపారు.

యాగానికి సంబంధించిన వివరాలను ఆమె వెల్లడించారు. ఈ నెల 20 నుంచి 24 వరకూ నిర్వహించతలపెట్టిన వరుణయాగంలో 20 - 22 వరకూ ఉదయం 6 - 8 గంటల వరకూ దేవస్థానానికి చెందిన అర్చకులు పారాయణం నిర్వహించనున్నారు. 23న ఉదయం 7-11 గంటల వరకూ మండప ఆరాధనలుంటాయని, 24న ఉదయం 6-11 వరకూ సహస్ర ఘటాభిషేకం జరుగుతుందని కోటేశ్వరమ్మ తెలిపారు.