Hyderabad: హైదరాబాద్, నక్లెస్ రోడ్ లో ప్రేమజంటపై దాడి!

హైదరాబాద్ లోని నక్లెస్ రోడ్ లో విహారానికి వెళ్లిన ఓ ప్రేమజంటపై కొందరు యువకులు దాడి చేశారు. ఈ ఘటన గత రాత్రి జరుగగా, రామ్ గోపాల్ పేట పోలీస్ స్టేషన్ లో కేసు నమోదైంది. మరిన్ని వివరాల్లోకి వెళితే, తన ప్రియురాలితో కలిసి, ఓ యువకుడు నడుస్తూ వెళుతుండగా, కొందరు సామూహిక దాడికి దిగారు. యువకుడిని తీవ్రంగా కొట్టారు. ఈ ఘటనలో యువకుడు తీవ్రంగా గాయపడగా, చికిత్స నిమిత్తం ఉస్మానియా ఆసుపత్రికి తరలించారు. ప్రస్తుతం అతని పరిస్థితి విషమంగా ఉన్నట్టు తెలుస్తోంది. ప్రేమజంటపై దాడికి దిగిన వారిలో ఒకరిని గుర్తించిన పోలీసులు, అతన్ని అదుపులోకి తీసుకున్నట్టు తెలుస్తోంది.