ఆసుపత్రి నుంచి అంబులెన్సులో నేరుగా వచ్చి ఓటేసిన కాంగ్రెస్ నేత!

తెలంగాణ కాంగ్రెస్ నేత, మాజీ మంత్రి ముఖేశ్ గౌడ్ ఈరోజు ఓటు హక్కును వినియోగించుకున్నారు. ఇటీవల అనారోగ్యానికి గురవడంతో ముఖేశ్ గౌడ్ హైదరాబాద్ లోని ఓ ప్రైవేటు ఆసుపత్రిలో చేరారు. తాజాగా ఈరోజు పోలింగ్ నేపథ్యంలో అంబులెన్సులో కుటుంబ సభ్యులతో కలిసి వచ్చారు. అనంతరం ఓటు హక్కును వినియోగించుకున్నారు.

ఈ సందర్భంగా అక్కడకు భారీగా చేరుకున్న కాంగ్రెస్ కార్యకర్తలకు ముఖేశ్ గౌడ్ అభివాదం చేశారు. అనంతరం అంబులెన్సులో ఆసుపత్రికి తిరిగివెళ్లిపోయారు. ఇటీవల జరిగిన తెలంగాణ అసెంబ్లీ ఎన్నికల్లో గోషా మహల్ నుంచి పోటీచేసిన ముఖేశ్ గౌడ్ మూడో స్థానంలో నిలిచారు. బీజేపీ నేత రాజాసింగ్ ఇక్కడ విజయం సాధించగా, టీఆర్ఎస్ అభ్యర్థి ప్రేమ్ సింగ్ రాథోడ్ రెండో స్థానంలో నిలిచారు.