హైదరాబాద్ లో ఓటేసిన టీఆర్ఎస్ వర్కింగ్ ప్రెసిడెంట్ కేటీఆర్!

తెలంగాణ రాష్ట్ర సమితి(టీఆర్ఎస్) కార్యనిర్వాహక అధ్యక్షుడు, మాజీ మంత్రి కల్వకుంట్ల తారకరామారావు(కేటీఆర్) లోక్ సభ ఎన్నికల్లో ఓటు వేశారు. హైదరాబాద్ లో ఏర్పాటు చేసిన ఓ పోలింగ్ కేంద్రానికి చేరుకున్న కేటీఆర్ ఓటు హక్కును వినియోగించుకున్నారు. అనంతరం బయట మీడియాతో మాట్లాడుతూ.. ప్రజల భవిష్యత్తును నిర్దేశించే శక్తి ఓటుకు ఉందని వ్యాఖ్యానించారు. హైదరాబాద్ ప్రజలంతా తరలివచ్చి ఓటు హక్కును వినియోగించుకోవాలని కోరారు.