India: రామమందిరాన్ని కడతాం.. ఆర్టికల్ 370ను రద్దు చేస్తాం.. మేనిఫెస్టో ప్రకటించిన బీజేపీ!
- రైతులకు ఏటా రూ.6 వేల పెట్టుబడి సాయం
- వ్యవసాయ, గ్రామీణ రంగాల్లో రూ.25 లక్షల కోట్ల పెట్టుబడులు
- జాతీయ వర్తక సంక్షేమ బోర్డు ఏర్పాటు
2019 లోక్ సభ ఎన్నికల నేపథ్యంలో బీజేపీ ఎన్నికల మేనిఫెస్టోను విడుదల చేసింది. ఢిల్లీలోని పార్టీ కార్యాలయంలో ఈరోజు జరిగిన ఓ కార్యక్రమంలో ‘సంకల్ప్ పత్రం’ పేరుతో ప్రధాని మోదీ, హోంమంత్రి రాజ్ నాథ్ సింగ్ ఈ మేనిఫెస్టోను ఆవిష్కరించారు. అయోధ్యలో రామమందిర నిర్మాణంతో పాటు ఆర్టికల్ 370 రద్దు, చిన్న-సన్నకారు రైతులకు పెన్షన్, వడ్డీ లేకుండా వ్యవసాయ రుణాలు సహా పలు హామీలను గుప్పించింది. ఈ మేనిఫెస్టోలోని ఇతర కీలక అంశాలు ఇవే.
- రామమందిర నిర్మాణానికి కట్టుబడి ఉంటాం
- జమ్ము కశ్మీర్‌లో ఆర్టికల్ 370, 35 ఏ రద్దు
- చిన్న, సన్నకారు రైతులకు పెన్షన్లు
- రైతులకు ఏటా రూ 6000 పెట్టుబడి సాయం
- కిసాన్ సమ్మాన్‌ యోజన విస్తరణ
- వ్యవసాయం, గ్రామీణ రంగాల్లో రూ 25 లక్షల కోట్ల పెట్టుబడులకు హామీ
- రైతులకు వడ్డీ లేకుండా రుణాలు
- 2022 నాటికి రైతుల ఆదాయం రెట్టింపు
- గుర్తింపు పొందిన వ్యాపారులకు క్రెడిట్ కార్డులు
- ప్రపంచంలోని మూడు అతిపెద్ద ఆర్థిక వ్యవస్ధల్లో భారత్‌ను ఒకటిగా తీర్చిదిద్దడం
- ఉగ్రవాదంపై రాజీలేని పోరు
- 2022 నాటికి మౌలిక రంగంలో రూ.100 లక్షల కోట్ల పెట్టుబడులు
- చిన్న వ్యాపారులకు రూ.10 లక్షల ప్రమాద బీమా
- 2022 నాటికి హైవేలను రెట్టింపు చేయడం
- జాతీయ వర్తక సంక్షేమ బోర్డు ఏర్పాటు
- అందరికీ అందుబాటులో విద్య
- సైనిక బలగాలను బలోపేతం చేయడం
- దేశవ్యాప్తంగా జాతీయ పౌర రిజిస్టర్ (ఎన్‌ఆర్‌సీ) అమలు
- రైతుల కోసం కిసాన్ క్రెడిట్ కార్డులు,
