ajith: అజిత్ పోర్షన్ పూర్తి .. విడుదల తేదీ ఖరారు
- హిందీలో హిట్ అయిన 'పింక్'
- తమిళ రీమేక్ చిత్రీకరణ
- ఆగస్టు 10న విడుదల
తమిళనాట అజిత్ కి గల క్రేజ్ అంతా ఇంతా కాదు. వరుస విజయాలతో ఆయన తన దూకుడు కొనసాగిస్తూనే వస్తున్నాడు. ఆయన నుంచి వచ్చిన 'విశ్వాసం' రికార్డుస్థాయి వసూళ్లను రాబట్టిన సంగతి తెలిసిందే. ఆ తరువాత సినిమాగా ఆయన 'పింక్' మూవీ రీమేక్ చేస్తున్నాడు. కొంతకాలం క్రితం హిందీలో వచ్చిన 'పింక్' వైవిధ్యభరితమైన చిత్రంగా మంచి మార్కులు కొట్టేసింది. వసూళ్ల పరంగా నిర్మాతలకి మంచి లాభాలను తెచ్చిపెట్టింది.
అలాంటి ఆ సినిమాను 'నెర్కొండ పరవాయ్' టైటిల్ తో తమిళంలోకి బోనీకపూర్ రీమేక్ చేస్తున్నారు. వినోద్ దర్శకత్వం వహిస్తోన్న ఈ సినిమా కొంతకాలంగా హైదరాబాద్ రామోజీ ఫిల్మ్ సిటీలో జరుగుతోంది. హిందీలో అమితాబ్ చేసిన పాత్రను తమిళంలో అజిత్ చేస్తున్నాడు. తాజాగా అజిత్ పోర్షన్ కి సంబంధించిన షూటింగును పూర్తి చేశారట. విద్యాబాలన్ .. శ్రద్ధా శ్రీనాథ్ ముఖ్యమైన పాత్రలను పోషిస్తోన్న ఈ సినిమాను, ఆగస్టు 10వ తేదీన విడుదల చేయనున్నారు.
