nani: పోటీ నుంచి తప్పుకున్న నాని .. 'జెర్సీ' కొత్త రిలీజ్ డేట్
- ఏప్రిల్ 5వ తేదీన 'మజిలీ'
- ఏప్రిల్ 19కి వాయిదా పడిన 'జెర్సీ'
- 'మహర్షి' రిలీజ్ డేట్ మారడమే కారణం
నాని కథానాయకుడిగా .. గౌతమ్ తిన్ననూరి దర్శకత్వంలో 'జెర్సీ' సినిమా నిర్మితమైంది. రంజీ క్రికెట్ నేపథ్యంలో రూపొందిన ఈ సినిమాలో నాని క్రికెటర్ గా కనిపించనున్నాడు. శ్రద్ధా శ్రీనాథ్ కథానాయికగా నటించిన ఈ సినిమాను ఏప్రిల్ 5వ తేదీన విడుదల చేస్తున్నట్టుగా ఇంతకుముందు ప్రకటించారు. అదే రోజున చైతూ .. సమంతల 'మజిలీ' థియేటర్స్ కి రానుంది.
అయితే ఏప్రిల్ 25వ తేదీన అనుకున్న 'మహర్షి' మే 9వ తేదీకి వెళ్లిపోయింది. ఈ నేపథ్యంలో సోలో రిలీజ్ ఉండాలనే ఉద్దేశంతో, 'జెర్సీ'ని ఏప్రిల్ 19వ తేదీన విడుదల చేయాలనే నిర్ణయానికి నిర్మాతలు వచ్చేసినట్టు సమాచారం. అధికారికంగా వాళ్లు ఈ విషయాన్ని ప్రకటించవలసి వుంది. సోలో రిలీజ్ కోసం 'జెర్సీ' ఏప్రిల్ 19కి వెళితే .. 'మజిలీ'కి కూడా సోలో రిలీజ్ దక్కుతుంది. ఇప్పటివరకూ చైతూకి నాని గట్టి పోటీ ఇస్తాడని అనుకున్నారు .. ఇక అలా జరగదన్న మాట.
