nani: నెగెటివ్ షేడ్స్ తో కూడిన పాత్రలో నాని?

ప్రస్తుతం నాని .. 'జెర్సీ' సినిమాతో ప్రేక్షకులను పలకరించడానికి రెడీ అవుతున్నాడు. ఈ సినిమా విడుదలకి ముస్తాబవుతూ ఉండగానే, తదుపరి సినిమా కోసం విక్రమ్ కుమార్ తో కలిసి సెట్స్ పైకి వెళ్లాడు. ఈ సినిమాలోను నాని కొత్తగా కనిపిస్తాడని అంటున్నారు. నాని కెరియర్లో ఇదో విభిన్నమైన సినిమా అవుతుందనే టాక్ ఫిల్మ్ నగర్లో వుంది.

ఈ నేపథ్యంలోనే నాని .. ఇంద్రగంటి మోహనకృష్ణకి కూడా గ్రీన్ సిగ్నల్ ఇచ్చేశాడు. గతంలో ఈ ఇద్దరి కాంబినేషన్లో వచ్చిన 'అష్టా చమ్మా' ... 'జెంటిల్ మేన్' ప్రేక్షకులను మెప్పించాయి. అందువల్లనే ఇంద్రగంటి కథ చెప్పగానే నాని ఓకే అనేశాడట. ఈ సినిమాలో నాని నెగెటివ్ షేడ్స్ తో కూడిన పాత్రలో కనిపిస్తాడని తెలుస్తోంది. ఇక ఈ సినిమాలో ఒక పవర్ఫుల్ పోలీస్ ఆఫీసర్ పాత్ర కోసం సుధీర్ బాబును తీసుకున్నట్టుగా సమాచారం. ఒక రకంగా మల్టీస్టారర్ అనే అనుకోవాలి. ఇది నానికి 25వ సినిమా కావడంతో సంఖ్యా పరంగా ప్రత్యేకతను సంతరించుకుంది.