hema: బ్రహ్మానందం గారితో నాకు ఎలాంటి విభేదాలు లేవు: నటి హేమ

తెలుగు తెరపై సందడి చేసే లేడీ ఆర్టిస్టులలో హేమ పేరు ముందుగా కనిపిస్తుంది. కొన్ని సినిమాల్లో బ్రహ్మానందం జోడీగా ఆమె చేసిన అల్లరిని ప్రేక్షకులు మరిచిపోలేరు. అలాంటి బ్రహ్మానందం .. హేమల మధ్య మనస్పర్థలు తలెత్తాయనే టాక్ ఆ మధ్య ఫిల్మ్ నగర్లో వినిపించింది. ఈ కారణంగానే ఈ ఇద్దరి కాంబినేషన్లో ట్రాకులు ఎవరూ రాయడం లేదంటూ చెప్పుకున్నారు.

ఈ నేపథ్యంలో ఐ డ్రీమ్స్ ఇంటర్వ్యూలో పాల్గొన్న హేమకి .. బ్రహ్మానందంతో ఇప్పుడు రిలేషన్ ఎలా వుంది?' అనే ప్రశ్న ఎదురైంది. అందుకు ఆమె స్పందిస్తూ .." బ్రహ్మానందం గారు .. నేను పోట్లాడుకున్న సమయంలోనే మాట్లాడుకునేవాళ్లం. నేను రాజకీయాల్లోకి వెళ్లడానికి బీజం వేసింది ఆయనే. ఈ విషయంపై మా వారితో మాట్లాడింది ఆయనే. బ్రహ్మానందం గారి అనారోగ్యం విషయం నాకు ఆలస్యంగా తెలిసింది .. ఆయన క్షేమ సమాచారాలు తెలుసుకుంటూనే వున్నాను. త్వరలోనే ఆయన వచ్చి ఎప్పటిలా మనందరినీ నవ్విస్తారు" అని చెప్పుకొచ్చారు.