YSRCP: జగన్ పై దాడి కేసులో నిందితుడు ఓ పుస్తకం రాశాడట!

వైసీపీ అధినేత జగన్ పై దాడి కేసులో నిందితుడు శ్రీనివాసరావు ప్రస్తుతం రిమాండులో ఉన్నాడు. జైల్లో ఉన్న శ్రీనివాసరావు ఓ పుస్తకం రచించాడు. ఆ పుస్తకం విడుదలకు ప్రయత్నాలు జరుగుతున్నట్టు శ్రీనివాసరావు తరపు న్యాయవాది సలీం పేర్కొన్నారు. ఈ విషయమై న్యాయమూర్తికి, జైళ్ల శాఖ డీజీకి లేఖలు అందజేసినట్టు చెప్పారు. ఈ సందర్భంగా నిందితుడు శ్రీనివాసరావు గురించి ప్రస్తావిస్తూ, సరైన ఆధారం లేని కేసులో శ్రీనివాసరావుని ఇబ్బంది పెడుతున్నారని ఆరోపించారు. ఇప్పటికీ జగన్ అభిమానిగానే శ్రీనివాసరావు ఉన్నారని, జగన్ కుటుంబసభ్యుల వద్దకు తీసుకెళ్లి మాట్లాడించి ఈకేసును ముగించాలని చూస్తున్నట్లు సలీం పేర్కొన్నారు.