balakrishna: బాలయ్యతో సినిమా 'సింహా', 'లెజెండ్' లను మించి ఉంటుంది: బోయపాటి

బాలకృష్ణ ప్రధాన పాత్రధారిగా ఎన్టీఆర్ బయోపిక్ రూపొందుతోంది. క్రిష్ దర్శకత్వం వహిస్తోన్న ఈ సినిమాకి కీరవాణి సంగీత దర్శకుడిగా వ్యవహరిస్తున్నాడు. నిన్న రాత్రి ఈ సినిమా ఆడియో వేడుక అంగరంగ వైభవంగా జరిగింది. బాలకృష్ణ తదుపరి సినిమా బోయపాటితో వుంటుందనే విషయాన్ని ఈ వేదికపైనే ప్రకటించారు. ఈ ప్రాజెక్టును గురించి బోయపాటి మాట్లాడారు.

"బాలకృష్ణ గారితో హ్యాట్రిక్ మూవీ చేయబోతున్నాను. గతంలో మా కాంబినేషన్లో వచ్చిన 'సింహా' .. 'లెజెండ్' ఏ స్థాయి విజయాలను అందుకున్నాయనేది తెలిసిందే. ఈ సారి చేయనున్న సినిమా ఆ రెండు సినిమాలకి మించి ఉంటుందని అభిమానులకు మాట ఇస్తున్నాను. ఫిబ్రవరిలో సెట్స్ పైకి వెళుతున్నాము .. మిగతా వివరాలు త్వరలోనే తెలియజేస్తాము" అని అన్నారు. దాంతో ఎన్టీఆర్ బయోపిక్ తరువాత బాలకృష్ణ సినిమా వినాయక్ తో ఉంటుందంటూ జరుగుతోన్న ప్రచారానికి తెరపడిపోయింది.