ఆలోచనలో పడిన దిల్ రాజు .. కొత్త కథల వైపు దృష్టి

కథా కథనాలపై దిల్ రాజుకి మంచి పట్టువుంది. ఏ వర్గం ఆడియన్స్ ఏ కథలను ఇష్టపడతారనేది ఆయనకి బాగా తెలుసు. అలాగే అన్నివర్గాల ప్రేక్షకులను ఏ కథలు మెప్పిస్తాయనే విషయంలోను ఆయనకి మంచి అవగాహన వుంది. ఈ కారణంగానే ఆయన ఖాతాలో ఎక్కువ సక్సెస్ లు వచ్చి చేరుతుంటాయి.

అయితే ఈ ఏడాది దిల్ రాజు నుంచి వచ్చిన సినిమాలు ఆశించినస్థాయిలో ఆదరణ పొందలేదు. కొన్ని సినిమాలు ఆయన అంచనాలను తలక్రిందులు చేశాయి. దాంతో కంటెంట్ పరంగా వైవిధ్యం లేకపోవడమే ఇందుకు కారణమనే విషయాన్ని దిల్ రాజు గ్రహించాడట. ఈ కారణంగానే ఆయన '96' సినిమా తెలుగు రీమేక్ హక్కులను కొనుగోలు చేశాడనీ, ఇంద్రగంటి చెప్పిన కొత్తతరహా కథకి గ్రీన్ సిగ్నల్ ఇచ్చాడని అంటున్నారు. కొత్త తరహా కథలవైపు దృష్టి పెట్టిన దిల్ రాజు ఎలాంటి ఫలితాలను అందుకుంటాడో చూడాలి.