bengaluru: మహిళా హోంగార్డుపై అత్యాచారం చేసిన కానిస్టేబుల్

మహిళలకు రక్షణగా నిలవాల్సిన ఓ కానిస్టేబుల్... విచక్షణ మరిచి తన సహ ఉద్యోగిపైనే అత్యాచారం చేసిన దారుణ ఘటన బెంగళూరులో చోటు చేసుకుంది. వివరాల్లోకి వెళ్తే, బెంగళూరు యూనివర్శిటీ క్యాంపస్ లో వివాహిత అయిన ఓ మహిళా హోంగార్డు విధులను నిర్వహిస్తోంది. అక్కడే పని చేస్తున్న చంద్రశేఖర్ అనే కానిస్టేబుల్ ఆమెతో పరిచయం పెంచుకున్నాడు. విధులను పూర్తి చేసుకున్న బాధితురాలు రాత్రి 9 గంటలకు ఇంటికి చేరుకుని... యూనిఫాం మార్చుకుంటుండగా చంద్రశేఖర్ వచ్చి తలుపు తట్టాడు. తన భర్త వచ్చాడనుకుని ఆమె తలుపు తీసింది.

లోపలకు వచ్చిన చంద్రశేఖర్ ఆమె వద్దని వేడుకుంటున్నా... ఆమెపై అత్యాచారానికి తెగబడ్డాడు. అనంతరం గదిలో కొంత డబ్బు వెదజల్లి పారిపోయాడు. ఈ ఘటనపై ఆమె పోలీసులకు ఫిర్యాదు చేసింది. చంద్రశేఖర్ పై కేసు నమోదు చేశామని... దర్యాప్తు కొనసాగుతోందని డీసీపీ చేతన్ సింగ్ రాథోడ్ తెలిపారు.