paruchuri: ప్రియుడితో కలిసి భర్తను చంపించేస్తున్నారు .. ఏం సాధిస్తున్నారు?: పరుచూరి గోపాలకృష్ణ

తాజాగా 'పరుచూరి పలుకులు' కార్యక్రమంలో పరుచూరి గోపాలకృష్ణ మాట్లాడుతూ, సమాజంలో జరుగుతోన్న కొన్ని దారుణమైన సంఘటనల పట్ల ఆవేదన వ్యక్తం చేశారు. "సాధారణంగా భార్యను అనుమానించి భర్త చంపడమనేది చాలాకాలం నుంచి చూస్తూ వస్తున్నాము. కానీ ఈ మధ్య భార్య .. ప్రియుడితో కలిసి భర్తను చంపించిన సంఘటనలు వరుసగా చూస్తున్నాము.

ఒక వివాహ వ్యవస్థను అత్యున్నతంగా గౌరవించే దేశమేదైనా వుందా అంటే అది భారతదేశమే. ఈ దేశంలో ఇష్టం లేకపోతే విడిపోయే హక్కు వుంది. మళ్లీ ఎవరికి వారు వేరే పెళ్లి చేసుకునే హక్కు వుంది. అలాంటి ఈ దేశంలో పుట్టి ఒకరినొకరు చంపుకుంటున్నారు. చంపిన వారం పది రోజుల్లోనే జైలుపాలవుతున్నారు .. మరి ఏం సాధించినట్టు? అందుకే చిన్న చిన్న గొడవలను పెద్దవి చేసుకోకూడదు .. పగలు పంతాలకుపోయి హత్యల వరకూ వెళ్లొద్దు" అని ఆయన చెప్పుకొచ్చారు.