kajal: లేడీ ఓరియెంటెడ్ మూవీకి కాజల్ గ్రీన్ సిగ్నల్?

తెలుగు .. తమిళ భాషల్లో లేడీ ఓరియెంటెడ్ సినిమాల్లో నయనతార ... అనుష్క .. త్రిష మంచి మార్కులు కొట్టేస్తున్నారు. ఈ కథానాయికలను దృష్టిలో పెట్టుకుని రచయితలు కొత్త కథలను సిద్ధం చేస్తున్నారు. ఈ నేపథ్యంలో తాను కూడా ఈ తరహా సినిమాలు చేయాలని కాజల్ భావిస్తున్నట్టుగా తెలుస్తోంది. ఇప్పటికే ఆమె తమిళంలో 'క్వీన్' రీమేక్ లో చేస్తోంది. ఈ సినిమా తరువాత ఆమె మరో లేడీ ఓరియెంటెడ్ మూవీ చేయనున్నట్టుగా వార్తలు వస్తున్నాయి.

గతంలో కొన్ని చిన్న సినిమాలు చేసిన అనుభవమున్న దర్శకుడు భానుశంకర్ ఇటీవల కాజల్ ను కలిసి ఒక లైన్ వినిపించాడట. లైన్ బాగుందని చెప్పిన కాజల్ .. పూర్తిస్థాయిలో కథను సిద్ధం చేసుకుని రమ్మని చెప్పిందట. ఆ దర్శకుడు కథపై కసరత్తు చేస్తున్నాడని అంటున్నారు. కథ నచ్చితే కాజల్ గ్రీన్ సిగ్నల్ ఇవ్వడం ఖాయమని చెప్పుకుంటున్నారు. ప్రస్తుతం తెలుగులో ఆమె తేజ దర్శకత్వంలో ఒక సినిమా చేస్తోన్న సంగతి తెలిసిందే.